Шәхси клиникаларда түләүсез дәвалану мөмкинлеге турында Санкт-Петербург дәүләт университетының сәламәтлекне саклауны оештыру һәм медицина хокукы кафедрасы мөдире Игорь Акулин «Прайм» сайтына сөйләгән. Бу турыда «Челнинские известия» яза.
Россиядә яшәүче кешеләр мәҗбүри медицина иминияте (ОМС) полисы белән шәхси клиникага мөрәҗәгать итә ала. Моның өчен клиника Медицина ярдәмен түләүсез күрсәтүне гарантияләүнең территориаль программасына кертелгән булырга тиеш. Медицина оешмасының заявка бирү срогы ел саен 1 ноябрьгә кадәр дәвам итә.
Клиника ОМС буенча күрсәтә торган хезмәтләр оешманың сайтында, шулай ук төбәкнең Мәҗбүри медицина иминиятенең территориаль фонды (ТФОМС) сайтында була. Татарстанның ТФОМС сайтын сылтама аша карап була.
Дәвалану өчен яшәү урыны буенча поликлиникадан юллама кирәк, дип аңлата Акулин.