«Сәхнә күтәреп тора алмас бу «талант»ны, ишелер»: җырчы Диләрәне тәнкыйтьлиләр

«Татар эстрада» төркеме үзен Диләрә дип таныштыручы яшь җырчының «Мин инде кияүдә» җырын тәкъдим итә. Тик төркемнең укучылары Диләрәнең «таланты»на бәяне үзе теләгәнчә бирмәгән. 89 комментарий арасында бер генә уңае да юк.

Җырчы Лилиана Илназарова: «Җаныкаем... Үзе ишетмәдеме икән», – дип язып куйган. Алга таба: «Кошмар», «Ахырзаман шушыдыр», «Сәхнә күтәреп тора алмас бу «талантны», ишелер», «Акча барын да хәл итә шул. Бузова татарча», «Коточкыч, сүзсез калдым», «Әстәгым, нинди телдә җырлый ул?», «Татар җыр сәнгатен шул дәрәҗәдә мыскыл итмәгез инде», «Үләм, күрәселәр бар икән әле», «Тямайны затмит бу җырчы», «Ник, аны шулай итсәң дә ярый идемени? Мин дә җыр яздырам болай булгач», «Күпме талантлар үзләрен күрсәтергә оялып йөри. Ә монда татар теле – ноль, ноталарга бөтенләй туры килми. Хурлык», – дигән комментарийлар китә. 

Җырны Гөлфия Шакирова сүзләренә Мирхәт Гайсин иҗат иткән.

Сез дә тыңлап карагыз әле Диләрәне.