«Шатлыклы хәбәр!» – Алып баручы, актер Алмаз Гәрәев икенче тапкыр әти булды
Иҗади гаилә Алинә һәм Алмаз Гәрәевлар гаиләсендә зур сөенеч. Якты дөньяга аларның икенче кызлары аваз салган.
«Дуслар, бездә шатлыклы хәбәр! Театрыбызның артистлары Алмаз һәм Алинә Гәрәевләр гаиләсендә кыз туды. Алмаз белән Алинәне чын күңелдән котлыйбыз! Кызыгыз акыллы булып үсүен телибез! Гаиләгезгә сәламәтлек, бәхет, иминлек, балагызны тәрбияләүдә сабырлык, бары тик рәхәт мәшәкатьләр, куаныч-сөенечләр!» – дип яза Камал театры аккаунты.
Виртуаль дуслар да җылы теләкләрен яудырганнар.
