Шашлыкны пешереп җиткермәгән өчен, Казанда яшәүче ир-ат кунагын үтереп, мәетен тураклаган

Казанда яшәүче ир-ат танышын үтереп, мәетен тураклаган. Ике таныш эштән соң «салып» утырырга, шашлык пешерергә дип очрашкан булган. Бу турыда «Татарстан 24» каналы Россия Тикшерү комитетының Татарстан буенча Тикшерү идарәсенә сылтама белән хәбәр итте.

35 яшьлек ир-ат танышын үтерүдә шикләнелә. Ул мәрхүм ир-атны төзелеш эшләрендә ярдәм итәр өчен чакырып китергән булган.

Эш беткәч, ир-атлар хәмер эчеп утыра, шашлык пешерә. Кунак кеше шашлыкны пешереп җиткермәгән, ир-атлар шуның өчен талаша башлаган. Аннары сугышырга тотынганнар. Бераздан хуҗа кеше кунагының сулыш алмавын абайлап алган.

Аннары ул мәетне «болгарка» пычкысы белән туракларга карар кыла. Ләкин тураклаган чакта, тукталып, үзе үк полиция чакыра.

Җинаять эше ачылган, диелә хәбәрдә.