Новосибирск өлкәсенең Искитим шәһәрендә 68 яшьлек ир-ат шашлык ашаганда тончыккан, комага киткән һәм вафат булган. Бу турыда РЕН ТВ хәбәр итте.
Ир-ат 5 августта бакчада шашлык пешергән. Аннары шуны ашаганда тончыккан, сулыш алуы кыенлашкан.
Күршесе ярдәм иткәнгә генә ул шунда ук үлми калган. Күрше ир-ат Геймлих ысулын кулланган – тыгылган ризыкны сулыш юлларыннан төртеп чыгара алган. Пенсионер ир-ат барыбер аңын югалткан. Шуннан соң «ашыгыч ярдәм» чакырганнар.
Хастаханәдә бу ир-ат комага киткән. 2 атна комада ятканнан соң, 20 августта ул үлгән.
Хастаханәдә аңлатканча, ир-атның үлеме шашлык белән турыдан-туры бәйле түгел. Ул катлаулы хроник авыруларыннан үлеп киткән, диелә хәбәрдә.