Әгәр сарымсакның уклары бөгәрләнеп килсә яки чәчәккә бөреләнгән булса — укны өзәргә соң инде. Бу турыда «Челнинские известия» хәбәр итте.
Укларны өзүнең иң яхшы вакыты — алар 10-15 см озынлыкта булганда. Бу чакта алар әле сарымсакның барлык тупланган «ризыгын» алып бетерми, яңадан үсәргә дә өлгермәячәк.
Сарымсак угын кайчы яки секатор белән кисеп алсаң хәерле. Аны нигезен 1 см калдырып кисегез, аннары өч көн чамасы су сипми торыгыз.
Укны алмасаң, аның башында нәни сарымсаклар үсә, үсемлек орлык бирергә әзерләнә. Шул сәбәпле төпкә китәсе туклыклы матдәләр орлыкка китә, сарымсак вак һәм коры була.
