Сарымсак белән пешерелгән ат ите калҗасы рецепты
Казанда яшәүче Тәнзилә Гыйлемхановадан тәмләткечләр белән пешерелгән ит калҗасы рецептын тәкъдим итәбез.
Ит калҗасы пешерү өчен соус ясарга кирәк. Майонезга сарымсак сытарга, тоз һәм борыч, тәмләткеч (үзегез ярата торганны) салып болгатырга. Итнең бар ягын да шул соус белән сыларга.
Итне бераз кискәләп сарымсак тырнакларын бөтен килеш тә тыгарга. Аннары соус белән сыларга. Фольгага төреп, 200 градуска кадәр кызган духовкада пешерергә.
Яшь терлек ите булса 1,5 сәгатьтә пешә. Ә карт терлек итен 1,5 сәгать пешергәч, фольганы ачарга, тагын ярты сәгать пешерергә.
Ит калҗасын бераз суынгач кисәргә мөмкин.
