Сарман районында прицеплы «Камаз» өйгә килеп бәрелгән
Йөртүченең башы имгәнгән, аяклары сынган.
Татарстанның Сарман районындагы Шыгай авылында прицеплы «Камаз» бер өйгә килеп бәрелгән. Бу турыда «Татарстан 24» каналы хәбәр итте.
Якынча белешмә буенча, йөк машинасы зур тизлектә бара. Бер мизгелдә йөртүче идарәне югалта һәм йортка килеп бәрелә.
«Камаз» йөртүчесенең башы имгәнгән, аяклары сынган. Аны хастаханәгә озатканнар.
