видеодан скриншот
Сарман районының Ләке авылында приматка охшаган җанвар авыл халкын куркуга салган. Бу турыда «Татарстан 24» хәбәр итте.
Ике аягында да йөгереп йөри ала торган, бераздан дүрт аякланып чаба башлаган җанвар авыл урамында йөргән.
Авыл халкы сүзләренчә, бу җанвар агачларга да үрмәләп менә, ул бик җитез, тоттырмый икән.
«Кешеләр төркемләп барса, ул читтән генә карап тора, кеше ялгызы гына барса, якын килә башлый», – ди биредә яшәүчеләр.
Әле, өстәвенә, бу җанвар тәрәзәләрдән дә карап йөри икән. Авыл егетләре аны машина белән куып тотмакчы булган, ләкин булдыра алмаганнар.
Видео кадрларыннан күренгәнчә, билгесез җанвар маймылларга бик охшаган, диелә хәбәрдә.