Ашлама җитмәсә, укроп саргая башлый. Бу турыда киңәшләр сайтында язылган.
Нечкә ботаклар, саргылт төс укропка азот җитмәве турында сөйли. Череп беткән тирес яки чирәмнән ясалган компостны укроп төбенә, рәтләр арасына салып чыгалар. Ашлама түтәлнең 1 квадрат метрына чиләкнең өчтән бере күләмендә кирәк.
Укропка суперфосфат кертү дә файдалы. Бер чиләк суга 2 аш кашыгы күләмендә ашлама салып, кич белән укропка сибегез. Һәр укроп төбенә 0,3-0,5 литр сыеклык кирәк.