Кар явудан туктады, хәзер инде шәһәрне, шәһәр яны бистәләрен кардан арындырасы гына калды. Юллар тараю сәбәпле, иртән һәм кичен 10 баллы бөкеләр хасил була. Шәһәр янындагы бистәләрдә яшәүче гаиләләрнең балалары өчен «буран» яллары дәвам итә. Алар мәктәпкә 2 сәгать алдан чыгып та килеп җитә алмыйча, кире борылалар яки классташлар дәрестә түгел, ә бөкедә утырырга мәҗбүр була. Ата-аналар «мәктәп янында фатир арендага бирүчеләр юкмы» дип кызыксына башлады.
«Шәрәпҗан» образы белән яраттырган Рамил Шәрәпов, көн үзәгендәге проблемалардан көлеп, халыкның кәефен күтәрә.
Шәрәпҗан тәрәзә янына килеп утырган да «акыллы» колонка белән сөйләшә, артында – бизәлгән чыршы.
– Маруся, кайчан бөкеләр бетә?
– Яхшы юллар төзегәч.
– Ә кар кайчан бетә?
– Минем явым-төшем турында мәгълүматым юк, әмма иртәгә кар яварга мөмкин.
– Еоу…
Шәрәпҗан җырлый:
«Ашамагыз перец, була полный апокалиписис,
Да, диген,
Юлларыңны сиксән-туксан, япты вагон ишеген,
Килеп кердек бөкегә, юк бит чыгар тишеге…»
«Шәрәпҗанның чыршысын алып куярга вакыты юк, кар көри», – дип шаярткан артистның язылучылары.