«Саннарның мәгънәсе юкка чыга...» – Футболчы үзеннән 28 яшькә яшьрәк кызга тәкъдим ясаган

Яшьлегендә Чаллының «КамАЗ» футбол клубында уйнаган футболчы, Россия җыелма командасының элекке капкачысы Руслан Нигъмәтуллин үзенең шәхси тормышындагы мөһим вакыйга турында сөйләгән. 50 яшьлек Руслан сөйгән кызы Эвелинага тәкъдим ясаган. Сөйгәне үзеннән 28 яшькә кечерәк. Бу хакта «Челнинские известия» Телеграм-каналы яза.

«Шактый саллы яңгырый, тик башкача тоела. Икең дә бер дулкында булганда, саннарның мәгънәсе юкка чыга», – дигән Руслан Нигъмәтуллин.

Хәзер эшмәкәр буларак билгеле Руслан сөйгәненә тәкъдимне ничек ясаганын да күрсәткән. Ул бер тезенә тезләнеп, сөйгәненә «Тиффани» йөзеге суза, кыз «әйе» дип әйтә.