American Airlines стюардессасы Андреа Фишбах самолетта очканда «шлепанцы» һәм үкчәле туфли кимәскә киңәш итә. Бу турыда РИА Новости яза.
Беренчедән, самолетта еш кына салкынча була, мондый аяк киемендә салкын. Оекбаш белән кофта да алырга онытмагыз, ди белгеч.
Икенчедән, «шлепанцы» кигән килеш бортта тиз йөреп булмый. Бу исә авария очрагында комачауларга мөмкин.
Өченчедән, «шлепка»да бәдрәфкә бармау хәерле. Аның идәнендәге сыеклык – су түгел, ди эксперт.
Үкчәле туфлиләрне дә өйдә калдырып торыгыз. Экстремаль шартларда – мәсәлән, лайнердан тиз генә чыгарга туры килсә, ул бик уңайсыз. Аяктан төшеп калган «каблук»лар башка пассажирларны яраларга, өреп тутырыла торган трапны тишәргә мөмкин.
Өстәвенә, очыш алдыннан тикшергәндә, үкчәле аяк киемен салып күрсәтергә дә кирәк булуы ихтимал.
Стюардессалар үзләре дә үкчәле аяк киемен пассажирларны каршы алганда гына кия һәм аннары салып куя.
Лайнерда яланаяк йөрергә дә ярамый.
«Травма алмас өчен, аяк киеме максималь җайлы булырга тиеш», – ди белгеч.