Самолетта очканда намазны ничек укырга, казага калдыру дөресме?
Намаз — Аллаһы Тәгалә тарафыннан кешеләргә фарыз кылынган гыйбадәт. Мөселман кешесе аны вакытында башкарырга тиеш, шул вакытта гына намаз камил була.
Танылган ислам галиме, Коръән-хафиз Сухайл Тармөхәммәд үзенең «Заманча фәтвалар» китабында самолетта намазны ничек уку дөрес икәнлеген аныклап китә:
«Әгәр самолет төшкәнчегә кадәр намаз вакыты чыга икән, гыйбадәтне самолетта уку дөресрәк. Гадәттә, самолетның алгы яки арты ягында намазны басып укырлык кына урын табыла. Әлеге мәсьәләне хәл итәр өчен самолет хезмәткәрләренә мөрәҗәгать итәргә мөмкин. Әгәр инде намазны басып уку мөмкинлеге бумаса, кыйбла тарафына борылып, утырып укырга кирәк. Кыйбланың кайсы тарафта икәнлеген шулай ук хезмәткәрләрдән сорарга була. Самолетта укылган намазны җиргә төшкәч кабатлап торуның кирәге юк».