Колумбия джунглиларында Cessna 206 самолеты һәлакәткә очраган. Самолет 1 майда Араракуарадан Сан-Хосе-дель-Гуавьяре шәһәренә оча. Фаҗига алдыннан пилот двигатель эшләүдән туктавын әйтеп, авария сигналы биреп өлгерә. Бу турыда «Вести» каналы хәбәр итте.
Самолет калдыкларын 100 хәрби, 20 волонтер, 11 самолет һәм пилотсыз очкычлар ярдәмендә эзлиләр. Самолет табылгач, салонда пилот мәете генә булуы ачыклана.
6 пассажир, шул исәптән 4, 9, 13 яшьлек һәм 11 айлык балалар фаҗига урынында табылмый. Икенче пилотның һәм балаларның анасының мәетен соңрак табалар. Бертуган малайларны исә 40 көн эзлиләр.
Бәхеткә, балалар исән килеш табыла. Алар хәлсезләнгән, ләкин сәламәт. Вертолетлар белән малайларны Сан-Хосе-дель-Гуавьярега алып кайтканнар.