Балтач районының Көшкәтбаш авылы төркемендә, Туган тел көне белән котлап, самими видео чыкты. Видеода теле ачылып кына килә торган нәни Аяз, бик тырыша-тырыша, «Туган тел» шигырен сөйли.
«Бүген илебездә «Туган тел» көне!
Нәниләребезнең телен ачарга, бердәм басып җырларга «Туган тел» җыры булган бай халык без!
Бүген Тукай туган көн!
Рәхмәт, Тукай!
«Туган тел» шигырен нәни авылдашыбыз Аяз Төхвәтуллин сөйли… И сабый, киләчәктә үз улларыңның кулларыннан тотып, менә шулай туган телебездә «Туган тел» шигырен өйрәтергә һәм сөйләргә язсын, яме», - дигән сүзләр белән шушы видеоны урнаштырганнар.
