Шамил Садыйков: «Матбугат көне белән! Исәнлек, уңышлар, яңа үрләр гел юлдаш булсын!»
19 май – татар матбугаты көне. Шул уңайдан, «ТАТМЕДИА» акционерлар җәмгыяте генераль директоры Шамил Садыйков журналистларга котлау сүзләрен җиткерде.
Бүген – Татарстан Республикасы матбугаты көне! Медиа өлкәсендә эшләүче журналистларның һөнәри бәйрәме.
Тәүлекнең 24 сәгате дәвамында Республикабызда булган хәлләрне укучы, тамашачыларга җиткерүче коллегаларым! Сез көн саен контентны барлыкка китерү, аны укучыга уңайлы формада җиткерү буенча эшлисез! Әлеге өлкәдә бары профессиясен чын күңелдән яратучылар гына хезмәт куя, чөнки журналистика – ул яшәү рәвеше.
Котлыйм Сезне! Исәнлек, уңышлар, яңа үрләр гел юлдаш булсын!
Иң изге теләкләр белән, «ТАТМЕДИА» акционерлар җәмгыяте генераль директоры Шамил Садыйков.