Самарага килеп җиттеләр: Сызрань нефть эшкәртү заводына дрон һөҗүм итеп, янгын чыккан

Самара өлкәсендә Сызрань нефть эшкәртү заводына беспилотник һөҗүм иткән, шулай ук Новокуйбышев нефть эшкәртү заводына һөҗүм итү омтылышы да булган. Бу хакта төбәк губернаторы Дмитрий Азаровка сылтама белән ТАСС яза.

«Бүген иртән Сызрань нефть эшкәртү закодына БПЛА һөҗүме, шулай ук Новокуйбышев нефть эшкәртү заводына һөҗүм омтылышы да булды. Сызрань НПЗ территориясендә нефть продуктларын эшкәртү җайланмасында янгын чыкты. Якынча мәгълүматлар буенча, зыян күрүчеләр юк. Новокуйбышевта НПЗга һөҗүм итү омтылышы да туктатылды, анда да зыян күрүчеләр юк», – дип хәбәр итә губернаторның матбугат хезмәте.

Предприятиеләр җитәкчеләре, төбәкнең Гадәттән тыш хәлләр министрлыгы белән берлектә, фаҗиганең нәтиҗәләрен юкка чыгару өчен чаралар күрелә, диелә хәбәрдә.

«Барлык хезмәтләргә һәм җаваплы ведомстволарга төбәк территориясендәге объектларны саклауга өстенлекле игътибар бирү бурычы куелды», – дигәннәр матбугат хезмәтендә.

Соңрак оператив хезмәтләрдә хәбәр итүләренчә, Сызрань НПЗ территориясендә янгын 500 квадрат метр мәйданда булган.

«Сызрань НПЗ территориясендә нефть продуктларын эшкәртү җайланмасындагы янгын 500 кв. метр мәйданны тәшкил итә», – дип хәбәр иткән ТАСС агентлыгы чыганагы.

Шулай ук, аның мәгълүматлары буенча, Новокуйбышев нефть эшкәртү заводына дрон һөҗүме омтылышыннан соң шулай ук янгын чыккан. Аны янгын сүндерүчеләр килгәнче сүндергәннәр.