Самара шәһәрендәге «Яктылык» мәктәбе 3–5 яшьлек балаларны «Иртә үсеш үзәге»нә укырга чакыра. Биредә балалар белән тәҗрибәле педагоглар шөгыльләнәчәк. Бу турыда «Самар татарлары» сайтында хәбәр ителә.
Үзәк программасына сөйләм һәм вак моториканы үстерү, татар теле белән уен формасында танышу, рәсем ясау, әвәләү һәм аппликация ясау кебек иҗади дәресләр керә. Шулай ук балалар логик уеннар уйнаячак һәм мәктәпкә әзерләнәчәк.
Дәресләр һәр шимбә көнне 10:00–12:00 сәгатьләрдә уза. Беренче дәрес 3 октябрьдә була. Язылу һәм тулырак мәгълүмат алу өчен 8-846-995-08-69 телефонына шалтыратырга мөмкин.