Бүген Самарада шәхси торак йортта шартлау булган. Ике кеше үлгән. Бу турыда «Вести» каналы хәбәр итте.
Төбәк буенча Тикшерү комитеты хәбәр иткәнчә, шартлау Самараның Железнодорожный районында булган. Ике катлы йортта янгынны бик тиз сүндергәннәр. Корылма тулысынча җимерелгән.
Шартлауда ике кеше һәлак булган. Аларның шәхесләрен билгелиләр. Гадәттән тыш вакыйганың сәбәпләрен тикшерүчеләр ачыклый.