Узган төндә Самара өлкәсендә М-5 «Урал» трассасында авариядә 4 кеше һәлак булган, 1 кеше имгәнгән. Бу турыда РЕН ТВ яза.
Төбәк прокуратурасы белешмәсе буенча, 00.22 сәгатьтә М-5 «Урал» юлының 1115 нче километрында Суходол торак пункты янында 2 машина бәрелешкән.
Ведомство хәбәр иткәнчә, авариядә җиңел машина йөртүчесе һәм 2 пассажиры, «Газель» пассажиры һәлак булган, йөртүчесе имгәнгән, аны хастаханәгә илткәннәр.
Җиңел машинага ут капкан, диелә Самара прокуратурасының телеграм-каналындагы хәбәрдә.