Салмачы бистәсен су баскан: «Су баскычтан күтәрелде, ишектән өй эченә ага»
Түбән Камада исә урамда җыелган суларда серфинг белән шөгыльләнәләр.
Яңа Салмачы бистәсендә урамнарны су баскан. «Урамга чыгарлык та түгел!» дип чаң кагалар социаль челтәрләрдә. Әмма су агу системасы дөрес эшләнмәгәнме, әллә инде тыгылганмы — су баскан урамнардан йөрергә дә мөмкин түгел.
«Су баскычтан күтәрелде, ишектән өч эченә ага», дип хәбәр итә «В Татарстане поймут» төркеменә бер ир.
Түбән Камада исә урамнарда шул дәрәҗәдә су җыелган — блогер Эмиль Зарипов серфинг белән шөгыльләнергә уйлаган. Урамдагы кешеләргә кызык — алар көлеп карап торалар.
