Салкын һәм кетердәвек – классик окрошканың тәмен яхшыртачак 7 алым турында «АиФ» яза.
Окрошка – гади ризык. Бәрәңге, кыяр, редиска һәм колбасаны турап, яшел үләннәр өстәп, өстенә квас саласы гына. Менә сиңа җиңел җәйге аш. Бу гади рецепт өчен берничә яхшы киңәш бар.
Киңәш №1. Кетерди торган әйбер булсын
Окрошка – текстуралар катнашмасы булуы белән яхшы: йомшак бәрәңге, йомшак колбаса, җепселле тавык ите һәм кетердәвек редиска. Кетердәвек өлеш ризыкны ямьлерәк итә. Шуңа күрә без бик яңа һәм тыгыз кыяр белән редиска гына алабыз, аларны чистартмаска да мөмкин. Моннан тыш, сельдерей сабаклары, алма, татлы борыч өстәргә була.
Киңәш №2. Согы күбрәк булсын
Яшел суган – окрошкада бик мөһим ингредиент, ул сусыллык һәм үзенчәлекле ис бирә. Әгәр аны эре итеп турап, изгеч белән изсәң (барысын бәрәңге белән бергә дә мөмкин), окрошкада көчле, истә кала торган ис барлыкка килә.
Киңәш №3. Бәрәңгене изү
Монда төрле текстуралар уены эшли. Бәрәңге йомшаклыгы яшелчәләрнең кетердәвеклеген ачыграк итә. Вак итеп туралган яшелчәләрне өстәгәнче бәрәңгене чәнечке белән изеп кую тәмне баета.
Киңәш №4. Уылган керән
Окрошкага еш кына каймаклы керән өстиләр, әмма әгәр сездә яңа керән бар икән, шуны кулланырга мөмкин – тәме тагын да ачыграк була.
Киңәш №5. Салкын квас
Окрошкага салкын квас кына салырга кирәк, аны өстәлгә чыгарыр алдыннан гына суыткычтан алалар. Әгәр кефир яки башка сыеклык кулланасыз икән – алар да салкын булырга тиеш.
- Искәрмә: окрошкага квас баллы булмаска тиеш. Иң яхшысы – өйдә ясалганы..
Киңәш №6. Салкын эчлек
Окрошка өчен яшелчәләр һәм колбаса салкын булырга тиеш. Өстәлгә чыгарганда аз гына вак боз да өстәргә мөмкин.
