Бакчачылар салкын аркасында әйберләрне утырмый тора. Ә Чаллыда яшәүче 30 еллык стажлы агроном Владимир Диденко, бөтен нәрсәне дә утыртырга була, дип саный. Бу турыда «Челнинские известия» яза.
Чәчүлек суган, кишер, чөгендер – салкыннан курыкмый, ди ул.
«Башлы суганны хәтта алдан – көздән үк утырталар, кишер, чөгендер – салкынга чыдам үсемлекләр. 2-7 градуслы кыска вакытлы кырауны хәтта кәбестә, редис, шалкан, укроп, шпинат, салат һәм башкалар да кичерә. Аларның орлыклары +2..+5 градуста шыта башлый», – ди белгеч.
Чәчүлеккә утырта торган суганны утыртыр алдыннан 1 тәүлек суда тотыгыз да дымлы туфракка чәчегез.
Кишер орлыкларын көпшәк туфракка 3 см чамасы тирәнлектәге буразналарга салып чыгыгыз. Һәр орлык арасын бер шырпы кабы кадәр ара калдырып утыртыгыз. Әйе, вак эш, тик аннары сирәклисе булмый.
Чөгендерне утыртканда 10 см тирәнлеккә 5-7 см зурлыкта вакланган кычыткан салыгыз. Өстенә туфрак каплагыз, яхшылап су сибегез, өстенә чөгендер орлыклары чәчегез дә туфрак каплагыз. Мондый ашлама белән чөгендер сусыл, тәмле булыр, диелә хәбәрдә.