Салават җырлаганда Марсель Әхмәдуллин уйга баткан: «Татар җыры кайсы тегермәнгә су коя?»

Мөселманча мәҗлесләр алып баручы Марсель Әхмәдуллин классик эстрада концертыннан фикерләре белән бүлешә.

«Татар җыр сәнгатенең рухи көче ни дәрәҗәдә икәнен ачыклар өчен, аптырагач, БКЗга килдек. «Классик эстрада концертыннан рухи энергия алып, «зарядка» җыеп кайтып буламы икән?» – дип, махсус килдем.

Бүгенге эстрада кешегә ни дә булса бирә аламы? Татар җыры бүген кайсы «тегермәнгә су коя»: яхшылыккамы, яманлыккамы? Татар җыры кешене яхшылыкка чакырамы, әллә... Ул татарның рухи сусавын баса аламы?» – дип сораулар биргән үзенә Марсель һәм… Салават Фәтхетдинов җырлаган видео янында: «Юк, ахры...» – дип нәтиҗә ясаган.

Шулай да, алып баручы концертта күңеленә хуш килгән күренешне билгеләп үтә. Ул күптән түгел генә хаҗ сәфәреннән кайткан Айгөл Бариеваның концертта яулыктан җырлавын күрсәтә.