«Салават, ычкынасың бит» — Салават Фәтхетдинов беренче тапкыр чаңгыга баскан
Җырчы инстаграмда сәламәт тормыш рәвеше белән яши башлавы турында хәбәр итә.
Салават Фәтхетдинов беренче тапкыр чаңгыга баскан. Тугыз чакрым арага чапкан Салават: «Бүгеннән сәламәт яшәү рәвешен башлап җибәрәбез», — дип инстаграмга видео да куйган.
«Кыш бетә бит, Салават абый, соңга калгансыз», — дигәннәр аңа инстачылар. «Чаңгы таякларың кыскарак. Кул белән ешрак эшләргә кирәк», «Чаңгы белән саграк булыгыз. Өлкән яшьтә чаңгыга басучыларның йөрәк өянәге кузгалырга мөмкин», «Беренче тапкыр басып, алай күп йөрмәсәгез дә була, икенче көнгә тора да алмассыз», — дип киңәшләр биргәннәр.
«Гел-гел машина куып, вертолетта очып кына булмый шул. Чаңгыга да бастыра, җәяү дә йөртә», «Бераз гына ябыксаң, бу хәтле мышнамас идең», «Егылып китә яздың бит, өеңдә газета гына укып утырасың калган», «Салават, ычкынасың бит», — дип бәйләнгән усал теллеләре.