Россиянең атказанган, Татарстанның һәм Башкортстанның халык артисты Салават Фәтхетдинов үзенең командасына бэк-вокалист эзли. Бу хакта ул үзенең «ВКонтакте»дагы төркемендә игълан куйган.
«Эшләргә теләге, гастрольләргә йөрергә мөмкинлеге булган, начар гадәтләре булмаган, 18-30 яшьлек туташ-ханымнар кирәк. Номер буенча шалтыратулар кабул ителми! Үзегез турында кыскача мәгълүмат, фото, видео юллау мәҗбүри. Резюме, фото һәм видеоларыгызны ватсапка юллагыз», – дип язылган игъланда.
Игълан астында Ольга Максимова дигән бер ханым шундый комментарий калдырган: «Кем барыр икән? Син комсыз бит, аз түлисең, шуңа күрә барысы да синнән кача, бәлки, кешеләр турында бераз уйларсың, ә, Салават? Гомерең буе көрәк белән акча көрисең, ә музыкантларга бик әз түлисең, намусың кайда?» – дигән.
Бу ханымга берсе: «Син кайдан беләсең?» – дип язганнар.
Тамашачылар Салават Фәтхетдиновка уңышлар теләп язган.
