Җырчы Салават Миңнеханов социаль челтәрдәге сәхифәсендә уха, ягъни балык шулпасы рецепты белән уртаклашкан.
Балык шулпасы өчен: балык (башы, койрыгы), 1 суган, 1 кишер, сельдерей, 7-8 түгәрәк борыч, бәрәңге, тоз, яшеллек.
Беренче эш итеп, балыкны пешерергә куярга, өресен җыярга, түгәрәк борыч салырга, 20 минут кайнатырга, аннары сөзәргә. Шулпага яшелчәләрне һәм тоз, пешеп чыгарга 5 минут кала, чистартылган балыкны салырга. Уха әзер булгач, петрушка, укроп, яшел суган салырга һәм, өстен каплап, 5 минутка калдырырга.
Тәмле булсын!
Видео Салават Миңнехановның социаль челтәрдәге сәхифәсеннән алынды.