«Беләм, тоям: һәркемнең күңелендә авыр, билгесезлек. Ләкин паникага бирелмик, барысы да Аллаһ кулында. Кәефләрне әз генә булса да күтәрим әле», – дип язган җырчы Гүзәлем Телеграм каналында.
Шулай итеп, ул ире Салават Миңнеханов белән бергә төшергән видео куйган.
Видеода күренгәнчә, Салават кулын болгап кемнедер озата, шул вакытта Гүзәлем килә:
– Син нишләп телефонны алмыйсың? Шалтыратам-шалтыратам, язам-язам, алмыйсың?
– Миңа шалтыраткан кеше юк…
– Менә шалтыратам, алмыйсың бит. Син мине блокировкаладыңмы әллә?
– Синнән бит гел спам килә. Телефонга акча сал, картага акча сал, мин кафеда утырам, миңа тун сатып ал, яңа сумка… Яңа айфон чыккан, алырга кирәк.
– Спам түгел бит ул. Мин язам.
– Сөбханалла, синдә аппетит. Булганына шөкер итеп яшәргә кирәк. Минем ул кадәр акчам юк.
– Бар синең акчаң, мин картаңнан карадым. Бар анда.
– Күрәсең, мине «взломали»
– Тукта инде, матурым. Ул бит мин инде.
Чыннан да, видео иҗади гаиләнең виртуаль дусларының кәефен күтәргән.
«Тормышта да шулаймы сез? Матурлар, сөйкемлеләр. Бик яратам икегезне дә. Салават бөтенләй кызык уйный»;
«Салават, син җырчы булмасаң, синнән яхшы актер чыгар иде. Җаның, тәнең, бөтен мимикаларың белән уйныйсың»;
«Әлбәттә. Хатын ирнең күпме акчасы булганын белергә тиеш», – дип комментарийлар калдырган видеоны караучылар.