Салават Миңнеханов кызыклы видео куеп, язылучыларының күңелен күтәргән.
Видеода күренгәнчә, ул әби-бабасы (хатынының әти-әнисе) янына кунакка кайта. Җырчы әбисенә күчтәнәчләрен тапшыра: «Әби, 500 сумлык уылдык, ысланган скумбрия – нинди майлы, тозлы кызыл балык – тәмле. Барысы да синең өчен», – ди ул.
«Балык көнемени бүген?» – ди әбисе, аптырап.
«Мин синең балык кебек дәшмәвеңне телим», – ди Салават.
Әбисенең йөзе үзгәрә.
Җырчының язылучылары аның өчен борчылып та куйган. «Салават! Син исәнме?», «Берәр хәл булса, 112 номерын җый», «Хәзер үзең балык кебек дәшмисеңдер инде», – дип комментарий калдырган видеоны караучылар.
