Җырчы Салават Миңнеханов алай-болай хатыны куып чыгара калса яшәп торырлык мунча сала. Җырчы социаль челтәрләрдәге дусларына үзе шулай дип сөйләгән.
«Менә архитектор чакырдым әле, дуслар. Ул төп бурыч нинди дип сорагач: „Хатын куып чыгара калса, бер ун көн яшәп торырлык яхшы, уңайлы шартлар булсын, — дидем“, — дигән Салават.
Салават Миңнехановның виртуаль дуслары артистның шаяртырга яратканын белә инде. Ләкин бу юлы юморны аңлап бетермәүчеләр дә булган.
«Мондый видеолар куюны урынлы дип саныйсыңмы? Кешеләр һәлак була, ә сез контент ясап ятасыз»;
«Дингә, иманга килгән кеше мондый сүзләрне шаярып та әйтергә тиеш түгел. Имин, матур, җылы мунча төзибез дип әйтергә иде. Бөтен җирдә пропагандагыз мөселманча бит»;
«Бер дә матур шаярту түгел инде», — дип комментарийлар калдырганнар.
«Безнең дә террасалы мунчабыз бар. Ирем шул урынны үлеп ярата. Быел әле телевизор куеп, шунда күченәм дип куркыта», — дип тә язганнар.