Салават Миңнеханов белән Гүзәлем гаиләсенә социаль челтәрдә утыручылар сокланып карый. Чираттагы видеоны да «бер-береңнән канәгать булып яшәү зур бәхет инде ул», «сокланабыз», «кызык сезнең белән» дип кабул иткән алар.
Видеода күренгәнчә, Салават машинасына ягулык салу өчен заправкага туктаган. Ул машинада утыра, ә Гүзәлем бензин сала һәм кассага барып түләп тә килә.
Ә Салават машинада утыра. «Менә, дуслар, нинди бәхет. Үзең машинада утырасың, ә хатын бензин сала. Миңа 95 маркалы бензин. Менә хатыннар шундый булырга тиеш», дип Гүзәлемгә түләү өчен картасын уза. Ә Гүзәлем түләп тә өлгергән икән.
«Менә, матурым, савап эшләдең, молодец. Сиңа бер савап, бонус», – ди җырчы янына кереп утырган хатынына.
«Ире хатынына андый эшләр башкартуы көлке түгел. Әллә минем юмор хисем юк микән», дип аптыраган бер ханым.
«Үзең бабай булгач нишлисең инде. Карт бит син», дип тә төрттерүче табылган.