Җырчы Салават Миңнеханов мошенниклар тозагына эләккән. Бу хакта ул социаль челтәрләрдә сөйләгән. Ә менә югалткан акчаларының төгәл суммасын әйтмәгән, язылучыларының үзләренә чамаларга кушкан.
«Кайчан да булса мошенниклар тозагына эләгермен, дип уйламаган идем. Чөнки мин бик сак һәм супер игътибарлы кеше. Кызганычка, эләктем һәм бер генә тапкыр да түгел.
Мин аңладым – бу чыгасы акчалар булгандыр… Ничек уйлыйсыз, мошенниклар аркасында мин күпме акчамнан колак кактым? 1, 2 яки 3 миллион?» – дип сораган ул.
Хәбәре күңелсез булса да, Салават пост янына шаян видео куйган. Язылучылары исә аның актерлык осталыгына сокланганнар. Сез дә карагыз!
