Җырчы Салават Миннеханов белән Гүзәлем хаҗ сәфәренә китәчәк. Шатлыклы хәбәрне җырчылар үзләренең социаль челтәрләрдәге сәхифәләрендә җиткерде.
«Күпләр дөрес аңлаган. Без хаҗга җыенабыз. Бүген килешүгә кул куйдык. Махсус әдәбият, букча, сумкаларны алдык. Әзерләнәбез һәм дулкынланып көтәбез. 30 июньгә очабыз. Салават үзенең ихрамын (хаҗ кылучы ир-атлар өчен бирелә торган махсус кием) алды инде» – дип язган Гүзәлем, фотолар урнаштырып.
Язылучылары Салават белән Гүзәлемгә хәерле, имин юллар тели. «Сездән ак көнләшү белән көнләшәбез. Сез бик бәхетле. Кабул була торган хаҗлар булсын», – дигән сәхнәдәшләре Рамил Хәйретдинов. «Тәбрикләр. Кәгъбәтуллага карап кына торсаң да саваплы буласың. Исән-са йөреп кайтырга насыйп булсын, мине дә зәмзәм суы белән сыйларсың», «Аллаһы Тәгалә кабуллардан кылсын», «Безнең өчен дә дога кылыгыз», – дигән комментарийлар да бар.
