Җырчы Салават Миңнеханов инстаграмдагы сәхифәсенә елап төшкән видео куйды. Кадрларда җырчының шешенеп беткән күзләре абайлана. «Кызлар, ирләрегезне елатмагыз», дип язып куйган ул.
Баксаң, ул суган турап маташа икән. Кадр артында хатыны Гүзәлем тавышы. Ул ирен юатып тора. «Матурым, ни пешерәсең», дип сорый.
Салават пылау пешерә икән, шуңа күп итеп суган турый.
Инстачылар исә әйбәт пычак алырга киңәш итә. «Суган бәлеше», дип шаярталар. Җырчыны үзен мактыйлар, хатынына булыша икән, дип язалар.
