Салават Миңнеханов хәтере начарланудан зарлана
Җырчы бу хакта аптырап видео яздырган.
Җырчы Салават Миңнеханов хәтере начараюга зарланган видео куйган. Видеода ул бик каты ашыккан булса да, Гүзәлем соравы буенча кибеткә керүе турында сөйли. Гүзәлем макарон алырга кушкан, аннары сөт һәм ипи дә өстәгән. Салават кибеттә чиратта торган, хатыны сораган әйберләрне алып кайткан. Гүзәлем пакетны ачса, макарон юк ди.
«Сезнең шулай булганы бармы? Бәлки миңа йод җитмидер?» — дип борчыла җырчы.
Инстачылар җырчыга кибеткә исемлек язып яки ватсапка язып йөрергә тәкъдим иткән. Шулай ук аны тынычландырып, комментарийлар калдырганнар:
«Ураза вакытында була. Баш мие яртылаш кына эшли. Аннары бетә ул»;
«Бу - гадәти күренеш»;
«Язылган исемлек тә өйдә кала, кайтып алырга кирәк була. Бернинди йод та кирәкми. Заманасы шундый»;
«Була гынамы соң? Сөт белән ипи алырга исемлек язып чыкмасам, я сөт онытыла, я ипи».
Кемгә нәрсә, бер инстачыга Салаватның түбәтәе ошаган. Җырчыдан кайдан алуы турында кызыксынган.
