Салават Фәтхетдиновның тагын бер тапкыр бабай, аның улы Рөстәмнең әти булуы турындагы сөенечле яңалыкны хәбәр иткән идек. Бәби дә, яшь әни дә үзен яхшы хис итә, дип әйтергә җирлек бар. Чөнки Рөстәмнең тормыш иптәше Рузия сторисларында үзләрен өйгә чыгарган көннең фотолары белән уртаклашкан. Рөстәм аңа бик зур роза чәчәкләре бәйләме бүләк иткән. Бәләкәчнең үзен ап-ак коконга яткырып куйганнар. «Минем дөньям» дип исемләгән Рузия үзе әлеге фотоны.
Популяр җырчының улы Рөстәм узган елның августында Казан медицина университеты студенты Рузиягә өйләнгән иде. Яшь парның бәбие 9 май көнне туды. Фәтхетдиновларның нәсел дәвамчысына Дамир дип исем куштылар.
