Салават Фәтхетдинов: «Тиешлесен генә бир, артыгын бирмә дип сорыйм мин Ходайдан. Чөнки..»

Татарстанның һәм Башкортстанның халык артисты Салават Фәтхетдинов, «Сер итеп» тапшыруын алып баручы Роза Хәйруллинага әңгәмәдә үзенең тормышында үкенечле адымнары булмау хакында әйткән. Җырчы булганын һәм бүгенгесен рәхмәтле булып кабул итә һәм «нигә болай эшләдем икән» дигән уйлар белән яшәми.

Аллаһ тәгалә үзе тезеп бастыра ул. Әйтәләр бит: «Мы предполагаетм, а Бог располагает». Шуңа күрә, булганына шөкер итеп, буласына өмет итеп яшәргә кирәк.

Тормышта бернәрсә дә болай гына килеп чыкмый. Очраклы бер әйбер дә юк. Миңа тиешлесен Ходай Тәгалә бирә. «Миңа тиешлесен генә бир, артыгын бирмә», - дип сорыйм мин Аллаһ Тәгаләдән. Чөнки артыгы өчен җавап бирәсе була. Миңа күпме тиеш Ходай тарафыннан, шуны гына бирсен, – дигән җырчы.