Салават Фәтхетдинов концертында әтиләр турында сөйли.
«Аллаһтан кала икенче – әниләребез. Ләкин әтиләр турында бик сирәк җырлыйбыз. Балалар үстерү өчен, гаилә булдыру өчен, гомумән, балалар булдыру өчен, минемчә, әти шулай ук кирәк.
Әтиләрсез булмый инде! Минем әтиемне югалтканыма бик күптән инде. Әти яшен күптән уздым. Минем әти китте 54тә, миңа хәзер 63. Ләкин аны сагынмаган көнем юк. Бик яхшы яктан гына искә алам. Зиратка кайтсам да, янына басып сөйлим. Планнарымны сөйлим, кайгыларымны сөйлим. Менә Альфред (Альфред Якшимбетов) белән бик дуслар иде инде. Аның белән бергә эчә иде. Мин ул әйбергә соңрак өйрәндем», – дип сөйли Салават Фәтхетдинов һәм әтиләргә багышлап җыр җырлый.