Салават Фәтхетдиновның улын татарча белмәүдә гаеплиләр
Салават Фәтхетдиновның улын татарча белмәүдә гаеплиләр
Салават Фәтхетдинов Монакода ял итә. Ул агачларны ак төскә буяганнарын, үлән өстенә мамык түшәгәннәрен төшереп алган.
"Бер кар күрергә тилмереп яшиләр, мескеннәр. Үзебезнең Татарстаныбызга җитми инде", - дип шәрехли ул видеога төшергәндә.
Укучылары аны куәтләгән.
"Нигә күчтәнәчкә кар алып бармадыгыз?"
"Чаллыда - минус унсигез. Йөрмәгез читтә карга, суыкка интегеп".
"Мескеннәр шул Манокалар".
"Мескеннәр. Кар чистарту да юк, мунчадан чыккач өйгә кайта-кайта чәч туңдыру да юк. Итек нәрсә икәнен дә белмиләр. Таудан ләгәнгә утырып шууны бөтенләй күз алдына китерә алмыйлар!"
Кайберәүләр исә Салаватның үзен кызганган.
"Шундый матур бәйрәмдә ник әллә кайларга киттегез? Елга бер була торган бәйрәм бит. Кызганыч".
Ә кайбер укучылар Салаватның улы әтисе белән русча сөйләшкәнгә игътибар иткән.
"Улың татар телен белми мәллә?"
"Хәзер атказанган татар артистларының балалары да татарча белми".
