Салават Фәтхетдиновның улы Рөстәм Сочида узган автомобиль узышларында "S1600 Юниор" классында чемпион калган. AG Team командасының узышчысы Рөстәм Фәтхетдинов, алдагы этапларда җыйган очколар саны буенча финишка кадәр үк чемпион дип табылган.
"Дуслар, Рөстәм Салаватович Фәтхетдинов чемпион. Мин бүген иң бәхетле әти. Миңа теләктәшлек күрсәткәнегез өчен рәхмәт", - дип язган ул.
"Барыбызны да котлыйм, татар егете бирешми!"
"Ләйсәнкәем, сабырлыгыңның әҗерен күрәсең, молодец син. Бу уңышлар күбесе синнән тора. Рөстәмне фәрештәләр сакласын", - дип яза укучылар.
