Салават Фәтхетдиновка «Манзара»да ни өчен алтын түгел, көмеш медаль тапшырылган?
Бу шимбәдә циркта «Манзара» спорт-музыка тамашасы узды.
«Манзара» спорт-музыкаль тамашасында халык артисты Салават Фәтхетдиновка көмеш медаль тапшырылды. Бүләкне алганда ул болай диде:
Иң яшь тамашачыны бүләкләделәр. Иң өлкән тамашачыны бүләкләделәр. Татар эстрадасының иң карт җырчысын бүләкләдегез дип аңлыйм.
Ни өчен көмеш медаль? Алтын түгел? Аванс белән бирелгәндер дип уйлыйм. Тагын килсен дип көмеш медаль биргәнсездер дип уйлыйм, — диде җырчы һәм «Язмыш атым» җырын башкарды.
