Салават Фәтхетдиновка киңәш: "Сезгә дөрес тукланырга һәм ябыгырга кирәк"
Россиянең һәм Татарстанның халык артисты Салават Фәтхетдинов Инстаграм битендә хатыны Ләйсәнгә яңа машина алуын язган. Инстадашлары, җырчының фотосын күреп, хәйран калган. Салаватка ябыгырга һәм дөрес тукланырга кушканнар.
"Гастрольләр бетү белән хатынга яңа машина алдым. Хәзер урам әйләнеп кайтабыз, Алла бирса", - дип язган Салават Фәтхетдинов.
"Сезгә дөрес тукланырга һәм ябыгырга кирәк", "Синең хатын - молодец, сиңа түзеп тора", "Салават абый! Бөтен ирләр шулай хатыннарына кызыл кабриолетлар бүләк итсеннәр иде!", "Әниеңне бик хөрмәт итәсең, хатының Ләйсән өчен үлеп торасың, Салават, молодец та инде син", - дип язган халык Салаватка.