Салават Фәтхетдинов үзенең иң яраткан җырларының берсе булачак җырны тәкъдим итте
Вакытның тиз узуы турындагы яңа җырны инстачылар ошаткан.
Җырчы Салават Фәтхетдинов үзенең Instagram сәхифәсендә яңа җырын тәкъдим итә.
«Иң яраткан җырларымның берсе булачак, Алла бирсә», — дип язган ул.
Җыр вакытның тиз узуы турында. «Сәгать телләре әйләнә, гомер үткәнен санап…», — дип җырлый Салават Фәтхетдинов. Видеода күренгәнчә, беренчеләрдән булып җырны Раил Садриев, Рифат Зарипов ишеткән.
Инстачыларның күбесе, әлбәттә, җырны ошаткан. «Эх, шундый тыңлап туя алмаслык җыр, моң, тавыш», «Эх, үзебезнең Салаватыбызга берсе генә дә җитмии», «Абзый, яхшы була», «Салават Салават инде ул», «Җыр чыга йөрәктән», дип яза инстачылар.
«Маладис, Салават абый! Сезнең стенадагы Илһам Шакиров фотосына карап, татар булганыбызга, Илһамлы булганыбызга, Салаватлы булганыбызга горурланам», — дип язган бер инстачы.
