Салават Фәтхетдинов «моң» сүзенә алмаш сүз уйлап тапкан
Татарстанның һәм Башкортстанның халык артисты Илһам Шакиров торган йортта мемориал такта ачылу көнендә моң сүзен илһам сүзенә алмаштырырга тәкъдим итте. Әлеге видеоны ул Инстаграм битендә урнаштырган.
Мәңгелек Илһам. Илһам абый безне җыйды. Бездә йолдызлар бик күп, Илһам абый — кояш. Ә кояшка бик якын да барырга ярамый. Татарда «моң» дигән сүз бар. Аның тәрҗемәсен Туфан Миңнуллин да, Роберт Миңнуллин да эзләп карады. Таба алмадылар. Аның тәрҗемәсе юк. Моң дигән сүзне илһам сүзе белән алмаштырсак, бер дә ялгыш булмас. Моңлы кеше түгел, илһамлы кеше, дигән яңа сүзебез туарга мөмкин.
Илһам абый бар, булды һәм булачак», — ди Салават Фәтхетдинов.
«Илһам — ул „вдохновение“ дип тәрҗемә ителә. Моңны нигә тәрҗемә итәргә, татар кешесе аңлый аны, ә руска кирәге юк», «Салават, син безнең өчен „вечный“ булып кал, сине яратабыз, безнең буын өчен син кабатланмас җырчы», — дип язган тамашачылар.