Салават Фәтхетдинов “Әллә ялгыш, әллә язмыш” җырын башкара

"Әллә ялгыш, әллә язмыш"

Онытылган булып китәсең дә,
Хәтирәләр булып киләсең.
Юлларымда яуган ак кар булып,
Эзләремне күмеп китәсең.

Юк китмә әле, китмә, яннарымнан,
Калдырмачы мине син ялгыз.
Уйнадымы шулай безнең белән,
Әллә ялгыш, әллә инде язмыш.

“Үкенә бу”, - димә, мин үкенмим.
Ел йомгагын вакыт сүтсә дә.
Сагынуларга төренеп, җаным сине
Еллар аша һаман көтсәм дә.

Бер күрәсем килгән көннәрем бар,
Килә бер кочаклап үбәсем.
Бер мизгелгә яннарыңда булып,
Назларыңда эреп бетәсем.