Салават Фәтхетдинов Илназ Баһны нәрсә пешерергә өйрәткән?
Җырчы каз мае белән бәрәңге һәм балык әзерләгән.
Җырчы Илназ Баһ, аш-суга осталыгын дәлилләп, инстаграм сәхифәсендә әледән-әле яңа рецептлар белән уртаклашып тора. Ул чираттагы шедеврын — балык белән биреләчәк каз мае салып кыздырылган бәрәңгене Салават Фәтхетдинов өйрәткәнчә пешергән. Илназның аш бүлмәсендә кайнашканын хатыны Гүзәл видеога төшереп алган.
«Балык тотып алып кайттым да духовкага куйдым. Без кечкенәдән Салават Фәтхетдиновның җырларын тыңлап, аның җырлау методикасын үзләштергән кешеләр. Инде аннан ашарга пешерергә дә өйрәндем. Өстенә каз мае салган бәрәңге тиздән әзер була, кунакка килегез», — ди җырчы.
«Исе Әлмәткә кадәр килеп житте бу каз мае белән кызган бәрәңгенең. Күп балалы әти менә шундый булырга тиеш икән», «Барысы да майлы, бүтәкә һәм духовка гына чыдасын», «Бар яклап та уңган-булган кеше син, Илназ. Сезнең гаиләне күреп, шатланып яшибез», «Бик тәмлегә охшаган, адресыгызны языгыз әле», — дип комментарийлар калдырганнар Илназ Баһның инстадуслары.