Салават Фәтхетдинов: "Аракыгызны ташламагыз!"
Салават Фәтхетдинов: "Аракыгызны ташламагыз!"
Салават Фәтхетдиновның май аенда Нефтекама шәһәрендәге "Урал" комплексы җитәкчесе Рафил Мәүлиев янына кунакка килгәндә төшереп алынган видеосы соңгы араларда мессенджерларда тарала.
"Ничек хәлләрегез?" - дип кызыксына анда хуҗа җырчыдан. "Унөченче катта, унөченче стакан чәй эчәм. Аракыгызны ташламагыз, чәйгә көч килә", - дип көлә Салават Фәтхетдинов.
Ни сәбәпле бу видео хәзер популярлашып киткән - моның сәбәбен аңлата алучы юк, булмас та мөгаен. Әмма бу видео хәзерге вакытта Татарстан районнары буйлап актив тарала.
Мессенджерларда Салават Фәтхетдиновның җор телле булуын хуплап язалар: "Безнең кеше!"
Мәүлиевнең инстаграмында исә төрлечә язганнар: "Карт кешегә чәй дә ярый". "Нигә Зәкиеч соңгы елларда чәй белән генә нәфсене басасың? Әллә олыгаясың инде?"
Видеоның 14 майда төшерелгәнен исәпкә алып, "Бәтәч, ураза кая киткән?" - дип язучылар да булган.
