«Сәләт» XV Халыкара яшьләр форумы 27 июньнән 21 июльгә кадәр Татарстанда Биләр тарих-археология музей-тыюлыгы территориясендә үткәрелә.
Проект Татарстан Рәисе Рөстәм Миңнеханов ярдәме белән гамәлгә ашырыла. Форумда 4600 укучы, 1070 оештыручы һәм 210 остаз булачак. Катнашучылар Татарстанның барлык районнарыннан, шулай ук Россия төбәкләреннән һәм чит илләрдән килә, дип яза Бөтендөнья татар конгрессы.
Форум программасы өч сменаны үз эченә ала, аларның һәрберсе аерым юнәлешкә багышлана. Барлык сменалар дәвамында катнашучылар өчен Татарстан һәм Россиянең башка төбәкләреннән экспертлар һәм галимнәр, шулай ук мәдәният һәм сәнгать өлкәсе вәкилләре көндезге һәм онлайн мастер-класслар үткәрә.
Шулай ук форумның беренче көннәрендә коллектив җитәкчеләре өчен «Остаз» проекты эшли. Анда Казаннан, Татарстаннан һәм күрше төбәкләрдән педагоглар, директорлар һәм аларның урынбасарлары, шулай ук өстәмә белем бирү үзәкләре укытучылары һәм конкурс нигезендә сайлап алынган педагогик белгечлекләр студентлары чакырыла.
19 июньнән 25 июньгә кадәр үткәреләчәк «Болгар – Туган тел» төбәкара чатырлы лагерь аерым вакыйга була. Ул республиканың дәүләт һәм башка телләрен саклау һәм үстерү буенча Татарстан Дәүләт программасы кысаларында гамәлгә ашырыла, диелә хәбәрдә.