Барлык язмалар news_header_top_970_100
news_header_bot_970_100
Язманы тыңлагыз

Сәламәтлегемә зыян китерә дип, ураза тотмаска ярыймы?

news_top_970_100
Сәламәтлегемә зыян китерә дип, ураза тотмаска ярыймы?
Фото: © "Татар-информ"

«Хозур» нәшрият йортының «Дин вә мәгыйшәт» редакциясенең дин турында телеграм-каналында Рамазан ае белән бәйле бер ялгыш фикер турында аңлаталар.

«Ул да булса «ураза тоту минем сәламәтлегемә зыян китерә». Еш кына кайбер кешеләрдән: «Мин ач тора алмыйм, миңа килешми, авырый башлыйм», – дигән сүзләр ишетергә туры килә.

Дөрестән дә, кайбер кешеләргә даими рәвештә су һәм дару эчеп торырга кирәк. Андый очракларда ураза тоту-тотмау мәсьәләсен табиб белән бергә хәл итәләр. Ә калган очракларда, кеше үзенең әзерлексезлеген авыруга санап, ялгыш фикергә ышанып, ураза тоту кебек зур әҗер-саваплы гамәлдән үзен мәхрүм итә.

Авырлык дөрес тукланмау, авыр, зыянлы ризыклар ашау аркасында килеп туа. Шуңа да сәламәтлегебезнең әманәт булуын исәптә тотып, Рамазан ае башланыр алдыннан саулыгыбызга тагын да игътибарлы булыйк.

Ашказаны, эчәклекләр белән кыенлыклары булган кешеләр Рамазан ае алдыннан табибларга күренеп, сәламәтлекләрен тикшертсәләр яхшы булыр. Табиб нинди дә булса дарулар язып, кирәкле киңәшләрен бирергә мөмкин. Без, үз чиратыбызда, аның күрсәтмәләренә җитди карарга тиеш булабыз, чөнки уразабызны камил итеп тотарга телибез.

Раббыбыз Сөбеханәһу вә Тәгалә болай дип әйткән: «Рамазан ае – аңарда кешеләр өчен һидаять, туры юлны күрсәткән ачык дәлилләр, хакны ялганнан аерган Коръән иңдерелгән [ай]. Сездән берәү Рамазан аена ирешсә, аны ураза тотып үткәрсен». «Әл-Бәкара / Сыер», 2:185

Шушы айны сәламәтлегебезне ныгытып, табибларга күренеп уздырыйк. Рамазан аен барыбызга да сау-сәламәт итеп каршы алырга насыйп булсын!» диелә хәбәрдә.

  • Быел Рамазан уразасы 11 мартта тотыла башлый. Беренче тәравих намазы 10 мартта ястү намазыннан соң укыла. Татарстан мәчетләрендә тәравих намазы хәнәфи мәзһәбе буенча 20 рәкәгать итеп кылына. Быел ураза 30 көн тотыла. Уразаның соңгы көне – 9 апрельдә. Ураза бәйрәме быел 2024 елның 10 апреленә туры килә. Гает намазын уздыру тәртибе турында ТР мөселманнары Диния нәзарәте өстәмә рәвештә игълан итәчәк.
Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100